Teach For Kosova që nga muaji gusht ka filluar realizimin e projektit "Promovimi i të menduarit kritik dhe kohezionit multietnik midis të rinjve".

Në këtë projekt do të përfshihen nxënës të shkollave të mesme në komunat e Gjakovës, Shtimes, Lipjanit, Podujevës dhe Skenderajt.

Së fundmi, Teach For Kosova pati kënaqësinë të nënshkruajë marrëveshje me kryetarët e komunave të Gjakovës, Shtimes, Lipjanit, Podujevës dhe Skenderajt – me qëllim të implementimit të projektit për zhvillimin e klubeve të debatit në shkolla të mesme – me fokus në shkollat profesionale.

Pjesëmarrja në edukim joformal është thelbësore për zhvillimin e qytetarëve/eve aktivë/e dhe të angazhuar/a – dhe Teach For Kosova po punon me National Endowment for Democracy për ta bërë këtë për nxënësit e Kosovës.

Gjatë vitit të ardhshëm, Teach For Kosova do t'i formojë këto klube të debatit, duke bërë të mundur zhvillimin e shkathtësive të shekullit XXI, dhe do t'u japë nxënësve qasje te liderët e komunave të tyre për të diskutuar se si të zhvillojnë komunën.