Liridona Hajra, 25 vjeçare, nga Mitrovica. Ka përfunduar studimet bachelor në Universitetin “Isa Boletini” Mitrovicë, në Fakultetin e Edukimit. Pas përfundimit të studimeve bachelor në Edukim Fillor, ajo vazhdoi përpara për të arritur një shkallë tjetër akademike, duke qenë aktualisht në prag të perfundimit të studimeve master në drejtimin Edukim Inkluziv, në Universitetin e Prishtinës “Hasan Prishtina”.
Me një përvojë dyvjeçare si mesimdhënëse, Liridona ka shfaqur pasion dhe talent në përdorimin e metodave inovative të mësimdhënies dhe në krijimin e një mjedisi mësimor të frytshëm për të gjithë nxënësit. Punësimi në tri shkolla të ndryshme i ka dhënë asaj një pasuri të madhe të njohurive dhe aftësive për të menaxhuar diversitetin dhe për të përmbushur nevojat e ndryshme të nxënësve. Duke punuar në mjedise të ndryshme, Liridona ka pasur mundësinë të adaptohet në mënyrë efektive në situata të reja dhe të zhvillojë aftësi të përballimit të sfidave të ndryshme. Kjo përvojë e ka bërë atë të jetë fleksibile dhe të ketë njohuri të gjera në lidhje me kulturat dhe kontekstin e arsimit të ndryshëm.
Liridona thekson që nxënësit e saj i sheh si një “puzzle”, ku çdo copë e tyre është një pjesë e rëndësishme për të krijuar një imazh të plotë dhe të bukur. Ajo punon për të gjetur vendin e duhur për secilën copë dhe për të inkurajuar secilin nxënës të shkëlqejë në mënyrën e tyre unike. "Cilësia më e rëndësishme e një mësuesi është aftësia për të kuptuar dhe për të përkrahur ndryshimet në çdo nxënës." - Bell Hooks
Përveç punës si mesimdhënëse, Liridona është angazhuar edhe në punë të ndryshme me organizata hulumtuese në fushën e çështjeve sociale. Ky angazhim tregon vullnetin e saj, ku puna me organizata të ndryshme hulumtuese ka qenë dhe është një shkollë e çmuar për Liridonën, duke i dhënë mundësinë të eksplorojë fusha të ndryshme sociale dhe të takojë njerëz të ndryshëm. Në këtë udhëtim, ajo ka fituar njohuri të thella dhe perspektiva të pasura, duke e bërë atë të kuptojë më mirë realitetin, sfidat dhe nevojat që shoqëria përballon.
Me një qëllim të qartë për të ndikuar pozitivisht në jetën e nxënësve, Liridona vazhdon të përqendrohet në rritjen dhe zhvillimin e aftësive të saj profesionale dhe personale, duke shpresuar për një të ardhme më të ndriçuar për të rinjtë dhe shoqërinë në tërësi. Këtë zhvillim profesional Liridona beson se do ta arrijë edhe më tej me angazhimin e saj në Teach For Kosova, të cilën e sheh si një mundësi të shkëlqyer për të fituar njohuri dhe eksperienca rreth rrugës së përbashkët drejt një arsimi cilësor.
