Unë jam Nuhi Morina dhe jam 26 vjeç. Vij nga Prizreni, qyteti i diversitetit kulturor, fetar dhe etnik. ⁣
⁣
Kam diplomuar në Universitetin e Prizrenit “Ukshin Hoti” në Fakultetin e Shkencave Kompjuterike në departamentin e TIT. Aktivizmi im filloi qysh nga shkolla fillore si vullnetar i shoqërive civile në komunitet e deri më sot ku kam qenë pjesëmarrës i trajnimeve të ndryshme, hulumtimeve e projekteve. Gjithashtu kam kontribuar në avokim, lobim, punë praktike e shumë gjera të tjera. ⁣
⁣
Fillimisht po e veçoj përvojën time e cila më ka bërë të ndihem shumë mirë gjatë angazhimit tim në një projekt nga KEC - “Kosova Education Center”, i cili u realizua në gjashtë komunat e Kosovës. Isha ndihmës i programit për detyrat e shtëpisë me fëmijët e komunitetit Rom, Ashakali dhe Egjiptian nga programi fillor e deri tek ai i klasave të IX-ta. Kjo gjë për disa nga prindërit e lagjes ishte e papranueshme meqë për ta isha shumë i ri për të qenë mësimdhënës e për të dhënë mësim dhe shpeshherë dëgjoja të thonin “Si një fëmijë që mëson një fëmijë tjetër”, mirëpo me kalimin e kohës puna jonë u dëshmua dhe më pas u vlerësua me respektin më të madh përgjatë pesë viteve si mësimdhënës. ⁣
⁣
Karriera ime pastaj mori kahje tjetër sepse vendosa të studioja në Shkenca kompjuterike dhe pavarësisht sfidave të shumta unë arrita të diplomoja me sukses në këtë fushë. Me temën “Children's safety on the internet”, me të cilën edhe diplomova , organizata “Terre des Hommes” më ka mbështetur në realizimin e disa aktiviteteve rreth saj. Pas përfundimit të studimeve kisha fatin të isha pjesë e programit që ofronte organizata “Roma Versitas Kosovo”, e cila më dha mundësinë që të zhvillohesha profesionalisht më tutje. Fillova të ligjëroja kursin e informatikës me studentët që ishin pjesë e programit të tyre në Prizren dhe në Pejë. Ligjëroja gjëra bazike kompjuterike dhe njohuri për teknologjinë që mund t’ju duhen në studime dhe në karrierë si: Operating System, Microsoft Office, pastaj punime të ndryshme seminarike, prezantime, formatizimin e PC-së, mbrojta nga rreziqet në internet, privatësia dhe të tjera. ⁣
⁣
Është kënaqësi dhe privilegj tani që jam pjesë e programit Teach for Kosova, ku gjithmonë kisha një qellim në jetën time që të luftoj gjithmonë për dije e të mësoj, sepse një mësues i mirë është si një qiri: ‘’Ai konsumon vetveten për t`ua ndriçuar rrugën të tjerëve”.

Nuhi Morina

Fellows 2020

Premtime Burrniku

Edona Hamiti

Jeta Murtezi

Vlera Murtezi

Petrit Matoshi

Gentiana Gashi

Belkize Islami-Xhaferi

Erlinda Musliji

Valmira Morina

Kujtesa Karaxha

Na gjeni në rrjetet sociale