Për 12 javë, #Fellows bashkë me nxënësit e përfshirë në projektin "Promovimi i Mendimit Kritik dhe Kohezionit Multietnik në mesin e të rinjve" kanë mbajtur sesione të debatit mbi tema të ndryshme.
Javën e kaluar, nxënësit patën mundësinë të shfaqin njohuritë e tyre, zhvillimin e mendimit kritik dhe aktivizmin qytetarë nëpërmjet organizimit të garave të debatit mes komunave të perfshira në projekt.
Në keto sesione debatet dhe argumentet janë bazuar në këto tema të rëndësishme:
Qeveria e Kosovës ka vendosur: Te gjithë të rinjtë nën moshën 16 vjeçare të kenë të drejtë vote - A mendoni se ulja e moshës së votimit nga 18 vjeçare në 16 vjeçare është një hap i mirë për Kosovën, apo jo?"
Shkolla duhet të lejojë nxënësit të zgjedhin lëndët e tyre të preferuara bazuar në interesin e tyre personal: A jeni dakord që të gjithë duhet të ndjekin të njëjtat lëndë mesimore?
Qeveria e Kosovës ka vendosur që sherbimi ushtarak të jetë i detyrueshëm për vajzat dhe djemtë mbi moshën 18 vjeçare: A mendoni se përfshirja e vajzave në këtë vendim është e duhur?
Nxënësit e Komunës së Shtimes fituan raundin e parë të garave, duke mposhtur nxënësit e Gjakovës, dhe nxënësit e Komunës së Lipjanit fituan ndaj atyre të Skënderajt. Në raundin e dytë, nxenesit nga Komuna e Lipjanit, vazhduan të shfaqnin aftësitë e tyre të jashtëzakonshme në debat, duke fituar ndaj nxënësve të Podujevës.
Vendi në finale u rezeruva per Komunën e Lipjanit dhe asaj të Shtimes, ku në fund triumfuan nxënësit nga Lipjani.
Në aktivitetin e fundit të projektit, nxënësit do të takohen me kryetarët e komunave në dëgjime publike. Ata do të diskutojnë me kryetarët e tyre në një mjedis jo-formal dhe do të prezantojnë kërkesat e tyre për të përmirësuar komunitetin ku jetojnë.
Projekti "Promovimi i Mendimit Kritik dhe Kohezionit Multietnik ne mesin e te rinjeve" financohet nga National Endowment For Democracy 
Gallery
